5اخطاء ترتكبها المراة و تخسر بها اي شاب

رغم تحيزى وتعصبى الشديد للمراة لكن من حرصى عليها واكيد متقدرش نستغنى عن الرجالة حبيت انى اكتب الموضوع ده عشان نحاول ننجح فى حياتنا مع الرجال

المشكلة هى فهم طبيعة الرجل واذا قدرتى تفهميه خلاص ملكتيه ومش ممكن تخسريه ابدا

فى كتاب اجنبى قريته عن فهم طبيعة الرجل وعجبنى جدا لانى بحب اقرا فى المجال النفسى وعجبنى جزء منه فحبيت انى اترجمه ليكم

الكتاب اسمه ( CATCH HIM AND KEEP HIM ) للمؤلف كريستيان كارتر

الخطا الاول : محاولة تغيير الرجل

تعرفوا كام ست بتحب رجل اوى وبعد ما ارتبطت بيه عايزة تغيره؟؟
طبعا كتيييييييييير
كام ست خطيبها او جوزها بيعاملها معاملة سيئة جدا والست صابرة اوى اوى ليه صابرة اوى؟؟
كتيييرر طبعا فى احساس منها انه ممكن يتغير

الفكرة ان الست بتوافق على الارتباط برجل عشان عجبها جدااا وبتفضل صابرة على امل انه يتغير وممكن يكون الراجل مفيهوش فايدة اصلا للتغيير بس هى عايزة تحاول وخلاص زى ما تكون داخلة معركة ومراهنة عليه انه هيتغير
طبعا الرجالة مينفعش معاهم الكلام ده

الخطا الثانى : التسرع فى البوح عن المشاعر

خطا ترتكبه كتير من النساء اول ما يلاقوا راجل كويس خاصة لو هو جذاب يبداوا يعبروا عن مشاعرهم بسرعة ويقولوا انا معجبة بيك او ابتديت احبك

غلط غلط غلط

الرجالة ميحبوش الست اللى بتعبر عن مشاعرها بسرعة خاصة لو الراجل ده جذاب او لقطة يعنى اكيد عرف ستات كتير قبل كده وسمع او شاف نظرات اعجاب او عبارات اعجاب منهم وهيحس انك واحدة من الستات الكتير اللى معجبين بيه وده يقلل تعلقه بيكى

الخطا الثالث : توقع ان هذا الرجل هدية من السماء وانه سيغير حياتها للافضل

مشكلة الستات ان كل واحدة فينا فى دماغها ان الراجل اللى هيدخل حياتها او هتتجوزه هو ملاك وانه جاى ينقذها وينقلها على جزيرة والعالم هيكون افضل بعد دخوله فى حياتها

طبعا ده غلط

لانك هتتجوزى انسان زيك وله طبيعة مختلفة وكمان عايشين فى مجتمع وليه ظروفه يعنى لازم تعرفى ان نجاح اى علاقة لابد وانك انتى وهو تبذلوا مجهود لانجاح العلاقة والعمل عليها لتفادى المشاكل

لابد وان يشعر الرجل ان العلاقة مكونة من 2 يعنى يحس انه هيتجوز واحدة هتسعده ويسعدها مش يحس انه جاى عشان يخدمها او يرعاها بشكل اساسى وهو يدى علطول ويحس انه مش هياخد منها حاجة

التصرف ده بيبقى له اثر سلبى على الرجالة جدااا خاصة لو فى يوم قلتى له انك مش الشخص اللى كان فى خيالى ده هيعقده اكتر ويحس انه مش قادر على ارضاءك فى حين انك لو اشتغلتى معاه لانجاح علاقتكم ممكن تبقوا سعيدين جدااا

الخطا الرابع : محاولة جذب رجل غير مهتم بيكى

مشكلة المشاكل على فكرة بسمع كتير اوى من بنات تقولى انا معجبة بواحد بس مش عارفة اوصله ازاى

اقولها طب اذا كان هو مش معبرك انتى معجبة بيه ليه !!!!!!! يعنى هتروحى تخطبيه؟؟؟؟؟

يقول دكتور كريستيان فى كتابه استحالة استحالة تقدرى تجذبى رجل غير مهتم بيكى من البداية اصلا ولو حاولتى معاه انك تقنعيه انك احسن واحدة فى الدنيا برضه مش هيتغير

يقول ايضا ان الرجال لا يحبون المراة التى تعرض نفسها او يفهم الرجل انها تسعى وراءه فالرجل يحب دائما ان يسعى وراء المراة وكانه صياد لابد وان يطاردها ولا يحب ابدا الصيد السهل

الخطا الخامس: الحديث عن علاقاتك السابقة او جروحك القديمة

من الاخطاء اللى بتقوم بيها المراة انها اول ما تلاقى رجل ترتاح له تبتدى تحكيله عن العلاقات السابقة فى حياتها وان قبل كده خطيبها تركها او جرحها

طبعا ده غلط لان ده هيعقد الراجل ويحس انك معقدة من الرجالة وانك هتحاولى انك تنتقمى منه فى صورة الشخص القديم وده هيعمل مشاكل كتيرة اوووى

الافضل ان لو ليكى علاقة ارتباط سابقة متحكيش عن التفاصيل حتى لو هو طلب منك انك تحكى عشان ميبقاش فيه مقارنة او احساس منه انك متعقدة او بتحاولى انك تغيريه عشان متقعيش فى جرح جديد

اتمنى تكونوا استفدتم من الكتاب ومن تعليقى الشخصى عليه وان شاء الله نجيب اسرار كتيرة عن كيفية التعامل مع الرجل وفهم طبيعته

ألســـــــــــــلام عليـــــــــــــــــــكم

اعضاء منتدى (هـــــــــــاجــــــــــر) الكـــــــرام

واخص سلامى للاستاذ الكبير جدا مقاما /أ طارق

تحيه طيبه

أتمنى مانختلف بوجهات النظر

لكنى لى راى بالاخطاء{الخمس}

أولا:
-----
لتجنب الاخطاء؟ لابد وان نعرف تركيبة كل انسان

ولا سيما تركيبة انفسنا

فلكل انسان طبيعه مستقله. قد تميزه عن غيره

فهناك من هو بارد المشاعر وبداخله المشاعر؟ ولا يستطيع ان يخرجها لعوامل كتير

منها التربيه,التعليم,البيئه,الثقافه

وهناك من هو فياض بالمشاعر: وتبدو جليه وواضحه دون عناء منه او مداراه

وهناك الشخصيه التى تجمع الاتنين/اى المشاعر والتحكم بها؟وباوقات خروجها

ثانيا
----

بعد معرفة انفسنا يجب معرفة من هو امامنا

اى صنف هو؟ ثم يبدا الاختيار.

ثالثا واخيرا
----------

التوافق بين الاتنين اى الشخصيتين:

يطيل العمر بينهما ويستمر التواصل بلا فتور

بسبب تالف الروحين من حسب التركيبات البشريه

اتمنى ما اكون اسهبت بحديثى اليكم

وتقبلوا وافر احتراماتى